በኢትዮጵያ 60 በመቶ የሚሆኑ የማህበራዊ ሚዲያ ይዘቶች ለበጎ ዓላማ እየዋሉ አይደለም ተባለ

በኢትዮጵያ 60 በመቶ የሚሆኑ የማህበራዊ ሚዲያ ይዘቶች ለበጎ ዓላማ እየዋሉ አይደለም ተባለ ​ከ100 የኢንተርኔት ተጠቃሚዎች መካከል 55 ቱ ስልካቸዉንና ማህበራዊ ሚዲያን ሳይመለከቱ መዋል እንደማይችሉ ጥናት አመለከተ፡፡ ​በኢትዮጵያ የማህበራዊ ሚዲያ ተጠቃሚዎች ቁጥር ከዕለት ወደ ዕለት እየጨመረ የመጣ ቢሆንም ከአጠቃቀም ጋር ተያይዞ ባሉ ክህሎቶች ላይ የእዉቀት ክፍተት መኖሩን የፖሊሲ ጥናት ኢንስቲትዩት በዛሬዉ ዕለት ይፋ ባደረገዉ ሪፖርት ላይ ተመላክቷል ። ​በጥናቱ ላይ ከአዲስ አበባ ዩኒቨርሲቲ የሚዲያ እና ኮሚኒኬሽን ክፍል የተሳተፉት ዶክተር አብዱልአዚዝ ዲኖ ለብስራት ሬድዮ እንደተናገሩት በኢትዮጵያ 1 ሺህ 70 የማህበራዊ ሚዲያ ይዘቶች ላይ በተደረገ ጥናት 641 ወይም 60 በመቶ የሚሆኑት ይዘቶች ለበጎ አላማ እየዋሉ አለመሆናቸዉን በጉዳዮ ዙሪያ የተደረገ ጥናት አሳይቷል።…