በላይቤሪያ ዋና ከተማ ሞንሮቪያ አቅራቢያ በሚገኘው ዱአዞን በተካሄደ ዘመቻ ወደ 4 ቶን የሚጠጋ ኮኬይን በቁጥጥር ስር ውሏል

በላይቤሪያ ዋና ከተማ ሞንሮቪያ አቅራቢያ በሚገኘው ዱአዞን በተካሄደ ዘመቻ ወደ 4 ቶን የሚጠጋ ኮኬይን በቁጥጥር ስር ውሏል እንደ ሀገሪቱ መገናኛ ብዙሃን ዘገባ የዕፆቹ ዋጋ እስከ 400 ሚሊዮን ዶላር እንደሚደርስ ተገምቷል። ​በዚህ በሀገሪቱ ታሪክ ትልቁ በተባለው የዕፅ ዝውውር ከተያዙት ተጠርጣሪዎች መካከል ታዋቂው የሰርቢያ ኪክቦክስ ተወዳዳሪ ስርጃን ሴሌሽ እንደሚገኝበት ተጠቁሟል። ​በማህበራዊ ሚዲያ ላይ ሴሌሽ የዲፕሎማቲክ ፓስፖርት እንዳለውና ከሰርቢያ መንግሥት ጋር ግንኙነት እንዳለው የሚሰራጩ ወሬዎችን የሀገሪቱ የውጭ ጉዳይ ሚኒስቴር አስተባብሏል። ሚኒስቴሩ ተጠርጣሪው ምንም ዓይነት የዲፕሎማትነት ማዕረግ ወይም ፓስፖርት የሌለው መሆኑን ገልፇል። ​በፖሊስ ጥናት መሠረት ለዓመታት ሲሰራበት የነበረው ይህ የኮኬይን ዝውውር ወደ አውሮፓ ገበያ ለማስገባት የተዘጋጀ እንደነበር ተገልጿል።…