مش غلط نعطي الحياة بالجنوب بعد فرصة…

مش غلط نعطي الحياة بالجنوب بعد فرصة… هذا ما كتبته ابنة الجنوب ساحرة فقيه: "هيدا الخضرجي من شوي مرق.. وجيرانا عم يعبّوا نقلة مي والولاد عم يلعبوا عالبسكلاتات والحارة… بعدها عم تتصرّف كأنه نهار عادي طب ليش فليتوا دغري؟ بعرف إنو اليوم الصوت عالي والضربات بتخوّف وبعرف إنو كل واحد صار عنده غريزة بتقله:"فِل" طب خلينا نطلّع شوي حوالينا! نشوف مين بعده فاتح دكّانته..مين عم ينشر غسيله.. مين عم يعبّي مي.. مين عمل فنجان قهوة وعيط لجاره يشربه هو وياه.. مين حط جرات المي الفاضية قدام بيته ناطر بيك اب التوزيع…