የህገ-ወጥ ጫኝና አወራጆች አሰራርን የሚገድብ ውሳኔ ተተላለፈ‼

የህገ-ወጥ ጫኝና አወራጆች አሰራርን የሚገድብ ውሳኔ ተተላለፈ‼ ​በህገ-ወጥ ጫኝና አወራጆች የመማረር ቅሬታን ተከትሎ፣ የአማራ ክልል ፖሊስ ኮሚሽን በጥብቅ ውሳኔ እርምጃ መውሰድ መጀመሩ ተገለፀ። ​በውሳኔው መሰረት ባለኑብረቱ ካልፈለገ በስተቀር በግዴታ ዕቃ የሚጭኑና የሚያወርዱ አካላት አገልግሎት መስጠት የማይችሉ ሲሆን፣ ፈቃድ ያላቸው ህጋዊ ጫኝና አወራጆችም አገልግሎት የሚሰጡት ከባለንብረቱ ጋር በሚደረግ ሙሉ ፈቃድና ስምምነት ብቻ እንደሆነ ተመልክቷል። ​ነዋሪዎች እቃቸውን በራሳቸው ማጓጓዝ ሲፈልጉ ያለአግባብ ገንዘብ እንዲከፍሉ መገደዳቸውና ለእንግልት መዳረጋቸው የተገለጸ ሲሆን፣ ችግሩ በአዲስ አበባ፣ በአኦሮሚያና በሌሎችም ክልሎች የሚስተዋል በመሆኑ ተመሳሳይ ውሳኔ በመተግበር የዜጎች መብት እንዲከበር ጥሪ ቀርቧል።